შხარა - მწვერვალი მდებარეობს მესტიის რაიონ სოფელ უშგულში, სვანეთის კავკასიონზე. იგი წარმოადგენს კავკასიონის მთავარი წყალგამყოფი ქედის უმაღლეს მწვერვალს და მდებარეობს მის ცენტრალურ ნაწილში. სიმაღლე 5068 მ. აგებულია გრანიტისა და კრისტალოვანი ფიქალისაგან. ჩრდილოეთის მხრიდან მყინვარი ბეზენგია, სამხრეთიდან - მყინვარი შხარა. საბჭოთა ალპინისტები შხარაზე პირველად ავიდნენ 1933 წელს. 1963 წელს შხარაზე მწვერვალიდან დაშვების დროს ტრაგიკულად დაიღუპა ცნობილი მთამსვლელი და ფოტოხელოვანი გურამ თიკანაძე.